Министерот за надворешни работи на Австрија Себастијан Курц денеска во Тирана изрази очекување дека откако Австрија ќе ги затвори своите граници за бегалците, Словенија, Хрватска, Србија и Македонија, исто така ќе ги запрат мигрантите.

По средбата со неговиот албански колега Дитмир Бушати, истакна дека е теоретски можно да се пренасочи бегалската рута, пренесува Танјуг.

Бушати истакна дека кога македонско-грчката граница ќе биде затворена, соседните држави ќе станат центар на бегалската криза.

– Ние ги следиме сите можни рути кои би можеле да ги користт бегалците, нагласи тој.

Бушати истакна дека во моментов Албанија не помислува на затворање на границите.