Премиерот на Косово, Албин Курти, ги повика градоначалниците на северот на Косово да ги отстранат возилата што ги блокираат патиштата, а Србите да се повлечат од патиштата и да овозможат слободно движење, пишува „Репортери“.
На седницата на владата, Курти повторно изјави дека одлуката за реципроцитет на регистарски таблички е фер и неопходна за Приштина.
Тој, исто така, рече дека преземените мерки важат за секого, без дискриминација или привилегија забилокој. Курти го обвини претседателот на Србија дека е единствениот што има интерес да има конфликти.
Курти рече дека Приштина е за дијалог и предложи и Белград и Приштина да ги укинат привремените таблички и на тој начин да им овозможат на граѓаните да се движат што е можно послободно.
Од понеделник, властите во Приштина започнаа со замена на српските регистарски таблички на административните премини со привремени, за што надоместокот е пет евра. Приштина, исто така, испрати специјални полициски единици РОСУ на административните премини Јариње и Брњак.
Ова предизвика загриженост и вознемиреност кај Србите и тие ги блокираа патиштата што водат до административните премини.