335
Фановите на Интер можат да бидат мирни кога станува збор за напаѓачот Лаутарo Мартинез.
Аргентинскиот фудбалер изјави дека планира да остане во Интер и додаде дека приказната за преселба во Барселона е далечно минато.
Иако многу клубови изразија желба да го видат во своите редови, тој вети дека ќе остане меѓу „нероазурите“.
„Вистина е дека работевме на преселба во Барселона, преговаравме, но не можам да кажам колку беше блиску до реализација. Бев искрен со тренерот Конте и му реков, „тука сум со главата, ветувам дека ништо нема да ми пречи“. Сега сè е во минатото, ќе потпишам нов договор со Интер и ќе останам тука уште долго“, изјави Мартинез за „Газета дело Спорт“.
Оваа сезона тој постигна 15 погодоци на 33 натпревари во сите натпреварувања.