Лавров: Западот не сака рамноправна соработка со Русија

Западот не сака рамноправна соработка со Русија и фактички одлучи да се одмазди само затоа што Москва ја трпеше неговата рамнодушност кон украинската саботажа на Минските договори, изјави шефот на руската дипломатија, Сергеј Лавров.

Во интервју за казахстанската телевизија „Хабар 24“, Лавров изјави дека Москва има намера да соработува со сите кои се подготвени да соработуваат на рамноправна основа.

„Западот не сака да соработува со Русија и одлучи да се одмазди, бидејќи долги години ја трпевме неговата целосна рамнодушност кон саботажата на договорите од Минск“, рече Лавров, пренесува „Спутник“.