Лазаревска: ВМРО-ДПМНЕ и АА ги кочат измените за недела неработен ден

од Nikola Popovski

ВМРО-ДПМНЕ преку своите коалициски партнери – Алијанса и Алтернатива се обидува да ги закочи измените за недела неработен ден, изјави на прес-конференција Жаклина Лазаревска, пратеничка на СДСМ.

Рече дека претседателот на Комисијата за труд и социјална политика од редовите на Алијанса-Алтернатива, Хусни Исмаили, упорно не закажува седница на чиј дневен ред се измените и дополнувањата на Законот за работни односи, со кои недела станува ден за одмор за сите работници.

Лазаревска потсети дека овие измени на сила треба да стапат на први октомври, и обвини дека денеска, на десет дена пред тоj датум, опозицијата во Собранието се обидува да ги спречи.

„Ништо не е сменето во ВМРО-ДПМНЕ, секогаш кога во Собранието треба да се носат закони кои се во корист на граѓаните оваа партија на секој начин се обидува да ги блокира и закочи. Овој пат тоа очигледно го прави преку своите коалициски партнери“, рече Лазаревска.

Слични содржини