ЛДП: Очекуваме да бидеме информирани во каква Влада влегуваме

од Nikola Popovski

Лидерот на ЛДП, Горан Милевски очекува да биде информиран од премиерот Зоран Заев, околу тоа во каква Влада ќе влезат, па дополнително ќе одлучат дали тоа за нив е прифатливо или не.

-Немаше потреба да се прават овие театри еден месец и да се фокусира јавноста бидејќи државата има еден силен предизвик во декември, а тоа е почеток на преговори и целата енерија на политички чинители треба да се насочи кон решавање на овој проблем којшто ќе значи подобар животен стандард на граѓаните наместо да се занимаваме со личните позиции и кадровските решенија коишто очигледно се договорени, изјави Милевски.

Ова следува откако денеска во Клубот на пратеници меѓу Заев и Гаши беше потпишан договорот за влезот во Владата на Алтернатива. Според објавеното, партијата на Гаши ќе добие ресорите здравство, информатичко општество и министерство без ресор задолжено за дијаспората. Покрај нив, ќе добие и заменици министери во МОН, министерството за култура, а за третиот ресор се дискутира. Алтернатива ќе ги води и МЕПСО, Фонд за здравство, железници, Клиничкиот центар Тетово и Агенцијата за странски инвестиции.

ЛДП заедно со ДОМ имаат тројца пратеници и едно министерско место во владата. Токму Горан Милевски е на чело на Министерството за локална самоуправа.

Слични содржини