Леброн со дрзок одговор го искара Ибрахимовиќ: Смета дека е лицемер!

од Nikola Popovski

Леброн Џејмс реши јавно да му одговори на Златан Ибрахимовиќ, кој го критикуваше за изразување политички и социјални ставови.

Прво да се потсетиме на пораката на напаѓачот на Милан, кој неодамна му порача на Леброн да се држи настрана од она што не е негова работа.

„Прави го она што најдобро го правиш. Во кој било вид на деловна активност. Играм фудбал затоа што сум најдобар во играње фудбал, не сум политичар. Ако сакав да бидам политичар, ќе го направев тоа. Ова е прва грешка на славните кога ќе станат славни и ќе добијат одреден статус. За мене е подобро е да избегнувате одредени теми, подобро е да го правите она во што сте најдобри, во спротивно тоа не изгледа добро“, рече Ибрахимовиќ.

По триумфот на Лос Анџелес Лејкерс над Портланд Трејлблејзерс со 102-93, Леброн го искажа својот став на прес-конференцијата.

Леброн објасни дека никогаш нема да престане да зборува за неправдата и истакна неколку претходни успеси во школувањето.

„На крајот на денот, нема да молчам за работи што не се во ред. Проповедам за мојот народ, за еднаквоста, социјалната правда, расизмот, репресијата на гласачите, работи што постојат во нашата заедница затоа што сум дел од заедницата, видов дека работите се развиваат и знам дека продолжуваат затоа што имам група од 300 или повеќе деца во моето училиште кои поминуваат низ тоа и им треба глас. Јас сум нивниот глас и ја користам оваа платформа за да продолжам да расветлувам сè што може да се случи, не само во мојата заедница, туку и во земјата и целиот свет“, рече Леброн.

Тој објаснил дека не може да остане само како спортист.

„Нема шанси некогаш да останам само на спортот, бидејќи ја разбирам оваа фаза и моќта на мојот глас“, вели кошаркарот.

Потоа тој одговорил директно на Ибрахимовиќ.

„Смешно е тоа што го кажа Ибрахимовиќ, бидејќи мислам дека тој е истиот човек кој во 2018 година зборуваше за истите работи кои се случуваат во Шведска, бидејќи неговото презиме не е вообичаено за таа земја и велеше надвор од теренот го чувствувал тој расизам кон таквите како него. Погрешно е јас да сум мета на напади“, заклучи Леброн.

Да потсетиме, Ибрахимовиќ тогаш зборуваше за „скриениот расизам“ на кој бил изложен.

„Што прават шведските медиуми? Ме бранат или скокнуваат врз мене и ме напаѓаат? Тие сè уште ме напаѓаат затоа што не можат да прифатат дека сум Ибрахимовиќ. Ако друг играч ја направеше истата грешка како мене, тие ќе го бранеа. Но, кога станува збор за мене, тие не ме бранат. Станува збор за расизам. Не велам дека тука има расизам, но ќе кажам дека има и прикриен расизам. Има, јас сум 100 процентен сигурен, затоа што не сум Андерсон или Свенсон. Ако е така, верувајте ми, тие би ме бранеле и да ограбев банка“, рече Ибрахимовиќ две години порано.

loading...

Слични содржини