Најдобриот кошаркар на денешницата Леброн Џејмс го искористи својот официјален профил на Твитер за да укаже на нееднаквостите во американското општество.
Пред два дена, Џејмс му одговори на Дру Брис, еден од најдобрите квотербекови во историјата на НФЛ, кој рече дека не може да разбере луѓе кои клекнуваат кога ќе се слушне американската химна.
Леброн рече дека воопшто не станува збор за непочитување, туку за поширока слика, односно за понижување на Афроамериканците.
Медиумите ги објавија зборовите на Брис, а телевизијата Фокс, која беше блиска до Доналд Трамп, реши да го одбрани квотербекот.
Интересно е што тоа го стори Лора Инграм, жена која пред неколку години го критикуваше Леброн за искажување став што не е поврзан со кошарката. Нејзиниот коментар во тоа време беше: „Замолчи и играј кошарка. Не се мешај во она што не го знаеш“.
Сепак, овој пат Лора не го кажа истото за Брис, но истакна дека тој има право на мислење и дека нема ништо лошо во тоа што го кажал.
„Еве, ако сè уште не знаете зошто протестираме. Причината зошто се однесуваме како што правиме е затоа што едноставно сме уморни од овој вид на третман овде (во клипот). Може ли да биде поедноставно од ова?“, напиша Џејмс како одговор на зборовите на новинарката Фокс.
If you still haven’t figured out why the protesting is going on. Why we’re acting as we are is because we are simply F-N tired of this treatment right here! Can we break it down for you any simpler than this right here???? 🤦🏾♂️. And to my people don’t worry I won’t stop until I see https://t.co/e4pJ0PvwJj
— LeBron James (@KingJames) June 4, 2020