Актуелно
Почетна / TOP NEWS / Легнал во ковчег и се преправал дека умрел од корона: Градоначалник сакал да избегне апсење, ги кршел мерките, пиејќи со другарите (ВИДЕО)

Легнал во ковчег и се преправал дека умрел од корона: Градоначалник сакал да избегне апсење, ги кршел мерките, пиејќи со другарите (ВИДЕО)

Градоначалник на еден мал град во Перу се обидел да се преправа дека починал од коронавирус, откако полицијата го фатила како ги крши мерките воведени заради вирусот додека пиел со пријателите, а се со цел за да избегне апсење.

Хаиме Роландо Урбино Торес е снимен како лежи во отворен ковчег со маска на лицето.

Него го фотографирале полицајците кои потоа го уапсиле во понеделникот навечер во градот Тантара на југот на земјата.
Полицијата вели дека тој ги кршел законите за полициски час и социјално дистанцирање за да пие алкохол со своите пријатели, а бил пијан кога го уапсиле.

Мештаните претходно го обвинија Торес дека несериозно ја сфатил заканата од вирусот корона и дека не презел мерки на претпазливост во градот.

Градот, заедно со остатокот од Перу, беше официјално ставен во карантин пред 66 дена, по налог на централната власт.

Сепак, лутите локални жители велат дека Торес поминал само осум дена во градот од почетокот на затворањето и дека не успеал да спроведе какви било локални мерки за безбедност.

Честопати отсутниот градоначалник бил принуден да присуствува на состанокот на градскиот совет на 9 мај со цел да се одбрани од критики, кога изнесол лути тиради против мештаните.

Според локалните медиуми, тој повеќе пати бил демантиран од неговите службеници кога дал изговори за неисполнување на вонредните карантини во градот.

Исто така обвинет е дека не спровел соодветни безбедносни проверки за да се осигура дека луѓето надвор од градот не можат да влезат во него.

Латинска Америка сега е во епицентарот на глобална пандемија на коронавирус, а вкупниот број на случаи на коронавирус и смртни случаи расте побрзо отколку во кој било друг дел од светот.

Во моментов има 2,1 милиони случаи на коронавирус во регионот, што е поголем број во однос на Европа, која има 1,9 милиони заразени и до неодамна беше главното светско жариште.

 

loading...