Лекари успешно раздвоија сијамски близнаци кои имале споен мозок (ВИДЕО)

од Nikola Popovski

Споени близнаци од Бразил, кои биле споени на челото и делеле еден мозок, успешно се разделени по 33-часовна операција.

Тригодишните Бернардо и Артур Лима имале седум операции во Рио де Жанеиро под надзор од далечина на британскиот хирург д-р Нур ул Овасе Јелани. Само последните две операции траеле 33 часа и во нив учествувале повеќе од 100 здравствени работници.

Хирурзите практикувале различни техники во виртуелната реалност со месеци пред да започне деликатната процедура за одвојување на таканаречените краниопагус близнаци.

Ова е извонредно достигнување, се вели во извештајот на тимот предводен од д-р Јелани заедно со д-р Габриел Муфарехо, шеф на детска хирургија во „Instituto Estadual do Cerebro Paulo Niemeier“.

Со оглед на тоа што близнаците имаат речиси четири години, тие се и најстарите близнаци со мозок споен краниопагус, наведува британски Индепендент.

„Gemini Untwined“, добротворна организација основана од г-дин Јелани, им помогна на родителите на момчето да соберат средства за операцијата. Организацијата соопшти дека раздвојувањето на Бернард и Артур е еден од најсложените процеси на разделување што некогаш биле завршени, додавајќи дека многу хирурзи не ни помислувале дека тоа е можно.

Момчињата сега се опоравуваат и почнуваат со рехабилитација.

Откако родителите на момчето дојдоа од регионот Рораима во Рио за да побараат наша помош пред повеќе од две години, тие станаа дел од нашето семејство овде во болницата. Воодушевени сме што операцијата помина толку добро и што момчињата и нивните родители имаат на што да се надеваат, изјави Муфареи.

Според податоците на „Gemini“, едно од 60.000 раѓања резултира со споени близнаци, а само 5 отсто од нив се деца со краниопагус.

Слични содржини