ЛЕБРОН Џејмс е познат како човек со исклучителна кошаркарска интелигенција, со способност да ги разбира и препознава ситуациите на паркетот на највисоко ниво. Затоа, не е невообичаено другите да не можат да ги следат неговите кошаркарски мисли, особено младите играчи без значително искуство.
Така, дебитантот на Лејкерс, Остин Ривс стана вирален хит и „меме“ на синоќешниот натпревар во Бруклин за изразот на лицето, откако Џејмс му објасни што да прави.
На видеото се гледа како Леброн му објаснува нешто на 23-годишниот бек, инаку недрафтуван дебитант, а несреќниот Ривс тешко можеше да сокрие дека ништо не му е јасно.
Ситуацијата се случи на нешто помалку од три минути до крајот на натпреварот, кога Лејкерси имаа 15 поени предност во однос на Нетс. Победникот веќе беше решен, но до крајот на натпреварот, случајно или не, Лејкерси не постигнаа ниту еден кош.
LeBron had Austin Reaves absolutely lost here 😂 pic.twitter.com/OCF1Wlha97
— Bleacher Report (@BleacherReport) January 26, 2022
На крајот славеа со 106:96 и дојдоа до ефект 24-24. Џејмс постигна 33 поени, а Ривс остана на два поени за 25 минути игра, но имаше шест асистенции и пет скока.
За Лејкерси овој натпревар беше најважен поради враќањето на Ентони Дејвис, кој пропушти повеќе од еден месец поради повреда на коленото. Се врати со осум поени и четири блокади за 25 минути на паркетот.