Либанската влада најверојатно ќе си поднесе оставка вечерва поради грешка што доведе до експлозија во Бејрут, во која загинаа повеќе од 160 луѓе.
Според изворите на Си-Ен-Ен, помалку од една недела по грозоморната експлозија во Бејрут, во која загинаа повеќе од 160 луѓе и се повредени неколку илјади, владата на премиерот Хасан Диаб ќе падне, водејќи ја веќе економски потресената земја на нови избори.
Потсетуваме, во пристаништето во Бејрут минатата недела експлодира еден магацин со амониум нитрат, што доведе до огромно уништување во главниот град, десетици мртви, илјадници повредени, а очигледно, тоа била чиста небрежност на службениците кои ги игнорирале предупредувањата дека во пристаништето се складираат опасни материи, кои би можеле да експлодираат.
Лутите либански граѓани организираа протести против владата по експлозијата поради небрежност, а тројца министри веќе поднесоа оставки, како и седум члена на парламентот.
Либан, исто така, минува низ најлошата економска криза во изминатите неколку децении, заедно со се поголем број луѓе заразени со коронавирус, со што владата, исто така, не успеа да се справи. Експлозијата беше само прелевање на веќе полната чаша на изневерените граѓани.
Владата на Диаб ќе биде краткотрајна. Тие дојдоа на власт на брановите протести во декември минатата година. Составен од технократи и самопрогласени реформатори, поддржан е од сите најголеми политички партии, вклучувајќи го и радикалниот Хезболах. Либан сега ќе има трет премиер за помалку од една година, кој ќе мора да реши огромни проблеми, како на пример закрепнување од минатонеделната трагедија, надминување на економската криза и девалвација на националната валута за дури 70 проценти, и наезда на корона, што исто така е надвор од контрола. , како и јавните финансии.
Протестите во текот на викендот беа најмасовни и најнасилни во изминатата година.