Лондонски аналитичари: Еврозоната влегува во нова рецесија

од Nikola Popovski

Економијата во еврозоната повторно се намали во февруари и влегува во нова рецесија поради постојаниот притисок на ограничувањата врз услужниот сектор поради коронавирусот, но директорите се оптимисти, покажа во средата извештајот на лондонската фирма за истражување „Маркит“.

Конечниот вкупен индекс на менаџерот за набавки на „Маркит“ (PMI), кој ги опфаќа секторите за производство и услуги во 19 држави, се зголеми за бод во февруари, на 48,8 поени. Првичната проценка покажа поблаг раст на индексот, на 48,1 поени.

Сè уште се движи под 50 поени, сигнализирајќи пад на активноста, четврти месец по ред.

„Еврозоната е на работ на нова рецесија, бидејќи деловната активност опаѓа четврти месец по ред“, заклучува Крис Вилијамсон, главен економист во IHS Markit.

Растот на индексот во голема мера се припишува на скоро рекордниот раст на активноста во производствениот сектор бидејќи фабриките останаа отворени. Тежината, од друга страна, е доминантен услужен сектор, најмногу погоден од мерките за заклучување, покажува извештајот.

Земјите-членки продолжуваат да бележат голем број нови инфекции и владите не попуштаат на мерките за заклучување во секторот за угостителство и забава, повикувајќи ги граѓаните да останат дома, потсетува Ројтерс.

PMI за услужниот сектор во еврозоната се зголеми за 0,3 поени во февруари на 45,7 поени, зголемувајќи ја прелиминарната проценка на Markit за поен, но сепак цврсто лебди под 50, во делот на опаѓачката активност.

„Додека многу компании за угостителство во услужниот сектор се во проблеми поради ограничувањата поврзани со ковид-19, производствениот сектор добро се справува, ублажувајќи ги ефектите од мерките за заклучување врз целокупната економија“, објаснува Вилијамсон.

Меѓу добрите вести е и малото заживување на вработувањето во услужните компании, што во февруари го зголеми бројот на вработени за прв пат од февруари минатата година, непосредно пред првиот бран на пандемијата да ја погоди Европа.

Индексот за мерење на вработеноста во услужниот сектор се искачи на 50,2 поени, од 49,8 поени.

Довербата на бизнисот во еврозоната е на највисоко ниво во последните три години.

Иако кампањата за вакцинација во Европската унија е нарушена од намалената испорака на вакцини, одложувањата и спорадичниот отпор од граѓаните, лидерите на компаниите од еврозоната се оптимисти за акција во наредните месеци, очекувајќи да се решат овие проблеми.

Оптимизмот за блиска иднина се рефлектира во скокот на соодветниот индекс на 67 поени, од 64,2 поени во јануари.

„Надежите дека вакцинацијата ќе биде успешна и дека мерките поврзани со превенција на Ковид-19 се значително олеснети, го зголемија зајакнувањето на деловната доверба на највисоко ниво во последните три години“, забележува економистот на „Маркит“.

Слични содржини