Остар пораст на бројот на главно необјаснети смртни случаи во северна Нигерија предизвикува стравувања од големо ширење на КОВИД-19 во еден од најсиромашните региони во светот.
Здравствените експерти во Нигерија се загрижени за зголемувањето на смртните случаи од дијабетес, хипертензија или маларија, но сега веруваат дека коронавирусот би можел да биде вистинскиот убиец.
Во изминатиот месец Кано, најнаселениот град на северот со скоро 10 милиони луѓе, забележа стотици смртни случаи, особено кај постарите лица.
Државата Кано во вторникот официјално регистрираше 666 инфекции и 32 смртни случаи од КОВИД-19, второто најголемо жариште во Нигерија по главниот град Лагос, на југот на земјата.
Но, во овој претежно муслимански регион, роднините ги погребуваат мртвите само неколку часа по смртта, без можност за обдукција.
Властите затоа мора да извршат „вербална обдукција“, прашувајќи ги семејствата за симптомите пред да умрат.