Лукашенко бесен поради новите санкции: Дали Мас е наследник на нацистите?

од Stefanija Kuzmanovska

Претседателот на Белорусија, Александар Лукашенко, остро ги нападна Германија и министерот за надворешни работи на таа земја, Хајко Мас, заради новите санкции на ЕУ.

На прославата на 80-годишнината од нападот на нацистичка Германија врз СССР, Лукашенко рече дека Мас е „нацистички наследник“.

„Она што не го очекувавме е Германија да учествува во овој колективен заговор“, рече тој.

Лукашенко посочи дека датумот на воведување на санкции е намерно избран, бидејќи тој е симболичен.

„Поминаа 80 години и што сега? Што е тоа? Дали е тоа нова војна?“, праша Лукашенко.

Што се однесува до Германија, тој рече дека „тоа не го очекуваше од оние чии предци го убиваа секој трет Белорусин“, а во исто време го праша Мас дали тој е „Германец кој се кае за злосторствата од минатото или наследник на нацистите“.

Слични содржини