Белорускиот претседател Александар Лукашенко изјави дека е подготвен да го прекине протокот на руска енергија доколку Полска ги затвори границите со Белорусија, што може да ги влоши тензиите меѓу двете земји поради миграцијата.
Белорусија е во конфликт со Европската унија поради мигрантите на нејзината западна граница. ЕУ ја обвинува Белорусија дека донела илјадници луѓе од Блискиот Исток и ги принудила да влезат на територијата на Унијата преку Полска, Литванија и Латвија. Минск ги негира ваквите наводи.
Полскиот министер за одбрана Мариуш Блашчак, пак, истакна дека белоруското одбранбено аташе било повикано откако светилките поставени од полските војници во близина на градот Тереспола биле оштетени со воздушни напади.
– Провокациите на белоруските војници се апсолутно неприфатливи, напиша Блашчак на Твитер.
Полскиот претседател Анджеј Дуда потпиша нови прописи со кои и дозволува на владата да го ограничи пристапот до областите околу границата со Белорусија.