Лукашенко му честиташе на Додик за неговиот избор за претседател на РС

од Stefanija Kuzmanovska

Претседателот на Белорусија, Александар Лукашенко, му честиташе на Милорад Додик за неговиот избор за претседател на Република Српска, нагласувајќи дека „во толку тешко време, на РС ѝ треба личност која е искрено лојална на својот народ, која е способна да ги заштити нивните права, да ја гради и планира иднината на својата татковина, да ги слуша граѓаните, а не инструкции од странство“.

„Сигурен сум дека активностите на оваа позиција ќе донесат безбедност и просперитет во вашата татковина, гордост за денес и доверба во утре, ќе придонесе за развој на заемно корисни и почитувани односи со меѓународните партнери, вклучително и со Република Белорусија“, наведе Лукашенко во својата честитка.

Лукашенко го потврди интересот на Белорусија за натамошно продлабочување на соработката со ентитетот РС, БиХ во различни полиња.

„Ваша екселенцијо, ви посакувам добро здравје и успех на оваа многу одговорна функција и прифатете ги изразите на мојата најголема почит“, порача претседателот на Белорусија.

Слични содржини