Миливоје Л. (50), угостител од Босанска Градишка, кого полицијата го бара под сомнение дека на 13 септември поставил бомба под автомобилот марка „БМВ Х5“ и го убил Страхиња Стојановиќ (30), најверојатно дошол во Белград на задача да ја изврши ликвидацијата. Како што дознаваме, за него денес е распишана потерница од Интерпол.
Истражителите сè уште го испитуваат мотивот за убиството, како и дали Миливоје бил платен за ликвидацијата.
Можни мотиви
Истрагата за можните нарачатели и мотивот за злосторството во моментов се одвива во две насоки. Првиот се однесува на поврзаноста на Стојановиќ со убиството на адвокатот на Лука Бојовиќ, Драгослав Мишо Огњановиќ. Другата насока на истрагата оди во насока на криминална група од Белград, со која наводно Стојановиќ влегол во конфликт поради два килограми кокаин“, открива неименуван извор за српски Курир.
Според него, се појавиле информации дека Стојановиќ измамил нарко-група и дека тие не му простиле.
Стојановиќ исто така бил мета на бомбашки напад во 2018 година, но потоа од чиста среќа, бидејќи го заборави својот мобилен телефон во станот, ја преживеал експлозијата на автомобилот во кој била неговата тогашна девојка, Мис Марбеља.
„Досега нема информации што укажуваат на тоа дека починатиот бил во директен судир со Миливоје, кој исто така има живеалиште во Србија, но не престојувал на таа адреса веќе 14 години. Сè укажува на тоа дека бил ангажиран за ликвидација, како некој што добро управува со експлозивни направи“, додал изворот.
Ова тврдење е поткрепено со фактот дека експлозивната направа имала навртки, кои се користат при поставување шрафови.
„Тие се користат за зголемување на разорното дејство на бомбата“ потврдиле од обвинителството.
Авто-плацот бил параван
Во експлозијата, што се случи во Нов Белград, девојката на Стојановиќ, Колумбијката Соња Суарез Гомез (45), исто така се здобила со полесни повреди.
На сослушувањето, таа потврдила дека не се одделувала од убиениот во последните шест месеци, тврдејќи дека тој не се плашил за сопствената безбедност и дека не се криел, ниту имал свое обезбедување. Наводно, таа рекла дека тој се занимавал со увоз на автомобили.
„Има сомнение дека плацот за автомобили бил покритие за она што тој навистина го работел, а тоа е трговија со дрога. Во тој „бизнис“, тој сигурно се здобил со голем број непријатели“, заклучил соговорникот на Курир.
Инаку, осомничениот Миливоје Л., како што објавија српските медиуми, наводно возел електричен велосипед до гаражите во Нов Белград, ставил експлозив под џипот, а потоа го набудувал неговото движење, со цел да го активира уредот. Потоа го фрлил велосипедот во Сава и како што се сомнева, веднаш избегал.