Мајами: Бројот на жртви во урнатата станбена зграда достигна 90

Бројот на потврдени жртви кои починаа кога се урна станбена зграда во Мајами достигна 90, изјави денеска градоначалникот на округот Мајами-Даде, Даниела Левин Кава.

Се уште се трага по 31 лице, за кои се стравува дека се починати, рече таа, пренесе Ројтерс.

„Бројките се менливи и тие ќе продолжат да се менуваат како што продолжуваат напорите за пребарување“, истакна Левин Кава.

Истражителите сè уште не утврдиле што довело до уривање на зградата стара 40 години.