Македонија и Скопје покажаа како е да си хуман и се солидаризираа во овие тешки мигови со семејствата кои се најпогодени од катастрофалниот земјотрес во Турција.
Пунктот на скопскиот плоштад за помош на турските граѓани е преполн со пакети помош, при што луѓето најмногу донираат ќебиња, топла облека и храна.
Ќе биде отворен 24 часа, а ќе биде во функција сè додека е потребно.
Бројот на загинати во разорниот земјотрес во Турција и Сирија надмина 17.000.
Вкупниот број на смртни случаи во Сирија е најмалку 3.162, вклучувајќи 1.900 во областите под контрола на бунтовниците на северозапад и 1.262 смртни случаи во деловите на Сирија кои се под контрола на владата, според сириските државни медиуми.
Десетици илјади се пријавени дека се повредени во двете земји, додека спасувачите се борат да ги лоцираат преживеаните во урнатините од урнатите згради среде студената зима.
Фото: Локално