Францускиот претседател Емануел Макрон го одликуваше својот украински колега Володимир Зеленски со Орден на Легијата на честа за време на неговата посета на Париз. Во соопштението на Елисејската палата се наведува дека ова е највисоката чест што може да ја одреди францускиот претседател.
„Поздрав до Украина и нејзиниот народ. Поздрав до тебе, драг Володимир, за твојата храброст и посветеност“, напиша Макрон на Твитер.
Bienvenue à Paris, cher ami.
L'Ukraine peut compter sur la France.Ласкаво просимо до Парижа, любий друже. Україна може розраховувати на Францію. pic.twitter.com/4tegLYYLok
— Emmanuel Macron (@EmmanuelMacron) February 8, 2023
На видеото од Елисејската палата, се гледа како Макрон му го предава медалот на Зеленски, облечен во воена униформа, во луксузната просторија на палатата. Двајцата срдечно се прегрнаа и се држеа за рака, додека Зеленски му одговори на Макрон.
„Му реков на претседателот дека е премногу за мене и затоа оваа награда ја гледам како награда за сите наши луѓе, Украинци, за нашето општество. И голема чест е да се биде овде“, рече Зеленски.
Зеленски им рекол на Макрон и на германскиот канцелар Олаф Шолц дека имаат шанса да го променат текот на војната против Русија доколку не се двоумат да испратат тешко оружје и напредни борбени авиони во Украина.