Макрон: Одлучни сме Иран никогаш повеќе да нема нуклеарно оружје

Францускиот претседател Емануел Макрон изјави денеска дека Франција ќе биде непопустлива во врска со нуклеарните амбиции на Иран и дека неговата земја е решена Техеран никогаш нема да поседува нуклеарно оружје.

„Во сегашниот контекст, Франција е решена дека Иран никогаш не треба да се стекне со нуклеарно оружје, со тоа и да избегне воена ескалација во регионот“, рече Макрон.

Макрон изјавата ја даде во Ерусалим по средбата со израелскиот премиер Бенјамин Нетанјаху и израелскиот претседател Рувен Ривлин.