Макрон: Убиен еден од лидерите на Исламската држава

Францускиот претседател Емануел Макрон објави дека француските воени сили го убиле исламскиот милитант Аднан Абу Валид ал Сахрави, водачот на Исламската држава во Голема Сахара.

„Тоа е уште еден голем успех во нашата борба против терористичките групи во Сахел“, истакна Макрон во твитот, а пренесе Хина.

Сахрави беше долгогодишен лидер на Исламската држава во регионот Сахел во Западна Африка, а неговата група цели на американски војници во смртоносен напад во 2017 година, објави кабинетот на Макрон.

Во август 2020 година, Сахрави лично нареди убиство на шест француски хуманитарни работници и нивниот возач од Нигерија, се додава.