Во рускиот напад на трговски центар во украинскиот град Кременчук, бројот на загинати се искачи на 18.
Приближно 60 лица беа повредени во вчерашниот напад, а повеќе од 40 лица се водат како исчезнати.
Францускиот претседател Емануел Макрон објави видео на Твитер што се појави по нападот.
– Руското бомбардирање на трговскиот центар во Кременчук е одвратно. Ја делиме болката на семејствата на жртвите и гневот за таквото злосторство. Рускиот народ мора да ја види вистината – напиша Макрон.
Украина ја обвини Русија за нападот, велејќи дека користени ракети воздух-земја Х-22 истрелани од бомбардери со долг дострел Ту-22.
Russia’s bombing of a shopping centre in Kremenchuk is an abomination. We share the pain of the victims’ families, and the anger in the face of such an atrocity. The Russian people have to see the truth:pic.twitter.com/7drortbGSE
— Emmanuel Macron (@EmmanuelMacron) June 27, 2022