Фудбалерот на Манчестер Јунајтед, Пол Погба, ќе биде надвор од фудбалските терени неколку недели поради повреда на десниот бут на мечот против Евертон во саботата (3-3), изјави тренерот на „црвените ѓаволи“ Оле Гунар Солскјаер.
Погба ќе ги пропушти следните натпревари на Манчестер Јунајтед поради повреда, вклучувајќи ги „натпреварот против Вест Хем во ФА купот во вторник и натпревари против Реал Сосиедад во осминафиналето од Лигата на Европа“, на 18 и 25 февруари.
Францускиот фудбалер го напушти Олд Трафорд на крајот на првото полувреме од натпреварот против Евертон во саботата, жалејќи се на болка во бутот.
„Тоа е повреда која бара неколку недели закрепнување. Тој штотуку започна со третман во соработка со медицинскиот персонал на клубот и ние ќе го вратиме што е можно поскоро и безбедно. Пол е многу важен за нас и нема да ризикуваме“, рече Оле Гунар Солскјаер.