Третиот во Бундеслигата РБ Лајпциг и англискиот гигант Манчестер Јунајтед одиграа луд натпревар на „Ред Бул“ арена, во кој Германците победија со 3:2, иако до 80. минута имаа повеќе од солидно водство од 3:0.
Ова беше одлучувачки судир од последното 6. коло од групната фаза во Лигата на шампионите. Анхелињо ги шокираше гостите со гол во втората минута. Во 13-тата минута Амаду Хаидара беше прецизен за 2:0. Во 69-та минута резервистот Џастин Клајверт казни грешка во одбраната на Јунајтед за 3-0 и се чинеше дека сè е решено, но играчите на Оле Гунар Солскјер беа на пат да направат неверојатен пресврт.
Во 80-тата минута Бруно Фернандеш беше прецизен од пенал, а во 82-та минута Пол Погба, кој се појави во игра од клупата, постигна уште еден погодок за гостите – 3:2.
Во последните секунди од судиското продолжение Ибрахима Конате за малку ќе постигнеше смешен автогол и резултатот лесно можеше да стане 3:3, но на крајот домаќините ја исполнија својата цел и продолжуваат понатаму на штета на својот славен денешен противник.