Според неделниот извештај на Институтот за јавно здравје (ИЈЗ) починале 276 лица или 16 повеќе од една недела претходно.
Заболените биле од сите возрасни групи, а најзастапени биле граѓаните над 60 години (30,7 проценти). Голем број на заболени се регистрира и во возрасните групи од: 50-59 години (18,1 отсто), 40-49 години (17,5 проценти), 30-39 години (17,1 отсто) и од 20-29 години (10,4 проценти). Најмалку од новозаразени се кај децата од 0-9 години (1,6 отсто) и кај деца и тинејџери од 10-19 години (4,6 проценти).
Според место на постојано живеење/ повремен престој, случаи на COVID-19 се регистрирани во 35 градови/ЦЈЗ низ државата. Најголем дел регистрирани во Скопје, Прилеп, Куманово, Тетово, Битола и Велес, додека највисок морталитет се регистрира во Прилеп, Крушево и Охрид. Највисок леталитет се регистрира во Крушево и Струга.
Најголемо процентуално зголемување на бројот на заболени се забележува во Македонска Каменица, Дојран, Кичево, Битола, Виница, Струмица и Ресен, а најзабележително намалување има во Крушево, Пехчево, Неготино и Демир Капија кога се анализираат двата двонеделни периоди.
Највисока кумулативна инциденца на 100.000 жители се регистрира во Кавадарци со 11.256,2 на 100.000 жители, Неготино (10.619,2/100.000) и Скопје (10.253,4/100.000), а најниска инциденца со 2.823,9 заболени на 100.000 жители се регистрира во Македонска Каменица.