Во своето гостување во 24 анализа, министерот за правда, Бојан Маричиќ посочи дека со новите реформи се очекува системот да покаже отпор на притисоци и посакувани резултати за граѓаните.
„С.Македонија е различна држава од пред шест години. Имаме попатни разочарувања, но и подеми. Сите очекуваме дека ќе биде подобро. Секојдневно се сочувствувам со граѓаните во тоа дека нема правда. Оттаму во насока на тоа, битката ја водиме и со реформите и прочистување на судството и сум оптимист дека го возиме вистинскиот пат. По новите критериуми имаме околу 10тина разрешени судии, но се надевам дека и Обвинителството одговорно ќе постапува по своите надлежности. Јас како министер сум 5 месеци на оваа позиција, и мислам дека се прави дискредитација во однос на мојата работа, со лажни вести и низа обвинувања, како и интерпелацијата во Собранието, но и напади на моето семејство. Но, тоа ми е доказ дека правиме нешто добро и добро сме насочени кон целите. Целта ни е да изградиме систем кој ќе биде отпорен на притисоци“, истакна Маричиќ.