Марио Драги доби поддршка од горниот дом на парламентот

Мандаторот за состав на новата италијанска влада, Марио Драги, денес доби голема доверба од горниот дом на парламентот.

Тој беше поддржан од Сенатот со 262 гласа „за“ и 40 „против“, со два воздржани.

Денеска ќе гласа и долниот дом на парламентот и се очекува тој лесно да добие поддршка, откако помина убедливо во Сенатот.

Новата влада е формирана на барање на италијанскиот претседател Серџо Матарела, кој побара Драги да ја води земјата низ пандемија и економска криза, објави АП.