Техничкиот советник на Ред Бул – д-р Хелмут Марко недвосмислено го изрази своето мислење за дел од претстојните измени на правилата на Формула 1 кои треба да стапат во сила во 2021 година. Според австрискиот експерт, „кралските трки“ ќе станат „првенство за сметководители“.
Минатата недела, Меѓународната автомобилистичка федерација (ФИА) објави дека го одложува потврдувањето на новите правила за октомври за да продолжи со дискусиите со тимовите. Во исто време, сепак, намалувањето на буџетот од 156 милиони евра се чини непоколебливо.
„Ни требаше повеќе од една година за детално да разговараме за проблемот со трошоците. Мислам дека структурата што ја предложивме ќе биде успешна. Нашиот спорт е комплициран, затоа ни се потребни нови правила за да се осигуриме дека сè е сигурно направено“, изјави претседателот на Формула 1, Чејс Кери.
Според Марко, воведувањето на ограничување на трошоците може да биде неверојатно ризично.
„Во најлош случај, ќе одржиме светски сметководствен шампионат каде дисквалификациите ќе се случат со 2-месечно одложување“, одговори Австриецот.