Марсело го напушта Реал на крајот на сезоната

од Vladimir Zorba

Еден од најдобрите леви бекови во историјата, Марсело реши да го напушти Реал Мадрид на крајот од сезоната.

Бразилецот одамна не е во таа стара форма, со доаѓањето на Ферлан Менди во 2019 година целосно падна во втор план и долго време е резервен играч во тимот на Реал.

Тоа не го промени доаѓањето на Карло Анчелоти кој му даде предност на Давид Алаба, а сега и на закрепнатиот Менди, па Бразилецот оваа сезона забележа само еден настап во Ла Лига и уште еден во Лигата на шампионите.

Марсело нема намера да остане во Европа и решил да се врати во татковината, а прв во низата е Флуминенсе.

Марсело е дете на клубот и влезе во првиот тим како 17-годишник. По две сезони, во јануари 2007 година стигна покана од Реал Мадрид, која не можеше да ја одбие.

Останатото е историја – Марсело го замени Роберто Карлос и испиша историја во Реал Мадрид. Тој има освоено пет трофеи во Ла Лига, четири Лига на шампиони, одигра над 500 натпревари и дефинитивно ќе биде една од најголемите легенди на клубот.

Слични содржини