Илон Маск, сопственик на Твитер и компанијата Спејс Икс изјави дека американските власти бараат затворање на 250.000 профили на неговата социјална мрежа.
Маск го сподели своето 11-то откритие наречено „Досиејата на Твитер“, преку новинарот Мет Таиби.
„Американските власти побараа да се затворат 250.000 сметки, вклучувајќи ги и оние на новинарите и канадските официјални лица“, рече Маск, споделувајќи ја објавата на новинарот Таиби.
Таиби во својата објава наведе дека извештајот на американскиот Центар за глобална интеракција (ГЕЦ) се заснова на податоци од американското Министерство за национална безбедност (ДХС) и дека меѓу профилите чие затворање се бара се два или повеќе официјални профили.
Тој исто така порача дека Твитер добил неколку „изненадувачки барања“ од американски официјални лица да ги суспендира сметките на луѓето што „не им се допаѓаат“.
Во ноември 2020 година, канцеларијата на членот на Претставничкиот дом на САД, Адам Шиф, побара акција против „малтретирањето на неговиот персонал од страна на поддржувачите на поранешниот претседател Доналд Трамп“.