Повеќе од 60 затвореници во еден затвор во Белгија се заразени со коронавирус.
Карантинските мерки биле воведени во затворот Намур по наглото зголемување на бројот на заразени лица и брзото ширење на вирусот меѓу затворската популација од 132 затвореници. На затворениците им се забранети прошетки и туширање, но ќе добиваат топол оброк и средства за хигиена секој ден.
Официјални лица изјавиле дека еден затвореник бил пренесен во болница откако било откриено дека е заразен. Покрај половина од затворската популација, шеесетина затворски работници од вкупно 115 се позитивни на вирусот.
Катлин Де Вијве, портпарол на управата во затворот, рекла дека ситуацијата е многу сериозна. Сите посети биле прекинати, а неколку членови на семејството се собрале синоќа пред затворот во знак на протест против одлуката, објавија локалните медиуми.
Во Белгија постојат ограничувања веќе четири месеци, вклучително и ноќен полициски час, а официјалните лица во петокот потврдија дека британскиот вид на вирус сега доминира меѓу заразените.