Ридон Кола, обвинет за закани пред денешната парада на Денот на Свети Патрик во Јонкерс, Њујорк, САД, се соочува со федерални обвиненија. Тој е обвинет дека се заканувал дека ќе ги убие полицајците и градоначалникот за време на парадата.
„Тоа обично сакаат да го прават терористите. Тие сакаат да ви го тероризираат умот, да ги тероризираат мислите и да ве исплашат“, рекол градоначалникот Мајк Спано, пренесе Си-Би-Ес.
Истрагата откри вознемирувачки закани на социјалните мрежи.
Кола, кој има албанско потекло, наводно изразил поддршка за радикалниот исламски екстремизам.
ФБИ вели дека тој испратил порака директно до полицијата Јонкерс овој месец, во која напишал: „Ќе ги пресретнам полицајците и нивните шефови по улицата Меклин. Тоа ќе биде сцена на хорор… Алаху Акбар .
32-годишникот живее во близина на патеката на парадата и претходно бил испрашуван од органите на редот. Овој пат, членовите на Заедничката оперативна група за тероризам ФБИ-НИПД го пресретнаа и уапсија.
Тој се соочил со судија во федералниот суд во петокот. Американскиот обвинител рече дека токму овој месец Кола го фалел Сајфуло Саипов, нарекувајќи го негов брат. Саипов отслужува доживотна затворска казна за возење на камион и убиство на осум лица и повреди на 15 во терористички напад на велосипедска патека на Менхетен на Ноќта на вештерките 2017 година.