Актерката Меган Фокс (37), претприемачката и телевизиска личност Марта Стјуарт (81), трансродовиот музичар Ким Петрас (30) и моделот и актерка Брукс Надер (28) се ѕвездите на овогодинешното специјално издание на магазинот Sports Illustrated посветено на костими за капење. Многу убави жени низ годините ги красат насловните страници на овој специјал, а во согласност со времето и промените во општеството, во последните години тие не се само супермодели, млади старлети или пејачки, туку „моќни жени“ од различни општествени сфери.
Меган Фокс, чија фотографија во костим за капење направен од морски школки поврзани со синџири од јасни монистри, која во најавата за специјалниот SI предизвика најголемо внимание, се отвори за животот со телесна дисморфија, ментално нарушување со кое се справува – отсекогаш.
Телесно дисморфно растројство експертите го опишуваат како преокупација со замислена маана во физичкиот изглед или прекумерно искривено искуство на некои незначителни физички дефекти. А кога ваквото искривено доживување на сопственото тело предизвикува потешкотии во кој било сегмент од животот, тогаш тоа се смета за психичко нарушување.
Актерката, која многумина ја сметаат за една од најубавите жени во Холивуд, призна дека никогаш не се чувствувала добро во своето тело, никогаш не се сакала себеси и секогаш правела нешто за да и биде „поудобно во сопствената кожа“.
Ѕвездата на „Трансформерс“, која моментално се обидува да се смири со својот поранешен вереник, музичарот Машин Ган Кели, разговорот со магазинот го започна буквално со зборовите – „Имам телесна дисморфија. Не се гледам себеси како што другите луѓе ме гледаат мене“.
Актерката рече дека никогаш не се чувствувала самоуверена гледајќи се во огледало.
– Не постои момент во мојот живот кога го сакав своето тело – рече таа – „Ниту еден единствен“.
Таа додаде дека проблемот започнал многу рано.
– Уште кога бев мала бев опседната со својот изглед, се прашував „Треба ли да изгледам вака?“ – објасни таа и додаде дека проблемот не е во нејзината околина и притисок – „Пораснав во многу религиозно семејство, телото никогаш не беше важен фактор во животот“.
Меган заклучила дека нема да престане да се грижи за својот изглед до крајот на животот.
– Мојот пат кон поголемо самосакање никогаш нема да заврши, мислам – рече таа.
Актерката, која моментално има неколку проекти, меѓу кои и улога во „Платеници 4“, во интервју за британското издание на магазинот GQ за прв пат проговори за проблемот со дисморфијата. Таа тогаш изјави дека отсекогаш се справувала со длабока несигурност за нејзиниот изглед.
-Можеш да погледнеш некого и да мислиш дека тој човек е убав, прекрасен, а неговиот живот е секако едноставен поради тоа. Но, многу пати тоа е многу далеку од вистината. Убавината не значи дека некој е сигурен во себе“.
Нејзиниот партнер Machine Gun Kelly (вистинско име Колсон Бејкер) тогаш изјави дека отвореноста на неговиот партнер за овие теми исто така му помогнала.
– Сфатив дека не можете да ги скриете вашите трауми, дека треба да работите на нив – изјави музичарот со кој Фокс се вери минатата година.
Таа се разведе од Брајан Остин Грин во 2021 година, по 11 години брак во кој имаа три сина.