Меган Маркл не зема апчиња за слабеење. Тоа го објави ова самата откако компанија за додатоци се обиде да се рекламира на нејзин грб.
Производот се нарекува „Кето губење на тежината“. Информациите за него на Интернет содржат слики од војвотката од Сасекс пред и по раѓањето, кои биле направени без нејзино знаење.
Излезе дека додатоците за кои станува збор се уште еден лажен лек, привлекувајќи ги луѓето со приказни за брзо и лесно слабеење, поткрепени со искуството на славна личност.
„Мирор“ пренесува дека портпарол на британското кралско семејство посочил дека ќе се преземе акција за запирање на лажното рекламирање и најверојатно нејзините автори ќе бидат тужени.
Многу Британци кои се обожаватели на Хари и Меган го следат нивниот чекор. Откако веќе жените купуваат облека што ја носи младата мајка, голема е веројатноста тие да ги купат рекламираните апчиња, велат нутриционистите.
Војвотката ретко зборува за нејзината диета. Пред да стане кралски член, таа во интервјуа споделуваше дека обожава јога, сака да вежба и да практикува пилатес.
„Понекогаш идејата за тренирање ми звучи грозно, но секогаш се сеќавам колку добро би се чувствувала после“, изјави Меган во 2016 година.
Штом го роди својот син Арчи, сопругата на принцот Хари покажа дека не се срами од килограмите и се појави во бел фустан. Таа е сè уште позаоблена од претходно, но веројатно е на посебен режим и треба малку повеќе време за да се врати во претходната форма.