МекГрегор го потврди реваншот кој светот едвај го чекаше

од Vladimir Zorba

Конор Мекгрегор откри на својот Инстаграм профил кој е неговиот иден противник и датумот за неговата следна борба. Уште еднаш, по трет пат во кариерата, тој ќе влезе во кафез со Дастин Поарие. Борбата е закажана да се одржи на 10 јули.

Порие ја навести таа борба пред неколку дена, но сега е официјално бидејќи и двајцата борци потпишаа договор. Тоа треба да биде главната борба на вечерта на УФЦ 264, а победникот треба да добие шанса да го нападне шампионскиот појас во лесна категорија.

МекГрегор ја најави борбата во свој стил.

„Борбата е договорена. На 10 јули ќе видите кој и што всушност е Мек. Јас ќе се прилагодам и апсолутно ќе уништам“, напиша тој на Инстаграм.

Ирскиот борец претходно објави дека се откажал од имиџот на добро момче, кој го туркаше во последните две борби, па можеме да очекуваме многу провокации и валкани зборови.

Да потсетиме, МекГрегор и Порие се бореа двапати. Ирецот беше подобар во 2014 година кога славеше со технички нокаут, а Порие возврати на ист начин во јануари годинава.

Слични содржини