Мексико: Уапсено 14-годишното момче „Ел Чапито“ поради убиство на осум лица

Мексиканските власти уапсија 14-годишно момче со прекар „Ел Чапито“ за убиство на осум лица во близина на Мексико Сити поради дрога, соопшти денеска федералното одделение за јавна безбедност.

Момчето наводно пристигнало со мотор и отворило оган врз сиромашно семејство во предградието Чималхуакан во Мексико Сити.

Уште едно лице е уапсено во врска со убиствата на 22 јануари, а уште седум членови на бандата се уапсени под обвинение за продавање дрога.