Mercedes ја подигнува претплатата на сосема ново, лудо ниво. Имено, за новиот модел на електричниот мерцедес „Mercedes EQ“ клиентите ќе треба да плаќаат 1.200 долари (околу 1.160 евра), плус даноци, годишно за да можат да ги „отклучат“ сите изведби на својот нов миленик.
Во онлајн продавницата на Mercedes ќе ја најдете услугата „Забрзување“ за сите електрични модели. Како што е наведено, претплатата ја подобрува максималната моќност и вртежен момент на автомобилот, истовремено зголемувајќи ги вкупните перформанси.
Моделите на кои се применува услугата се следните:
Mercedes-EQ EQE 350 4MATIC (од 288 коњски сили до 349 коњски сили, 0-100 километри на час, од 6,0 до 5,1 секунди);
Mercedes-EQ EQS 450 4MATIC (од 355 коњски сили до 443 коњски сили, 0-100 километри на час од 5,3 до 4,5 секунди);
Mercedes-EQ EQS SUV 4MATIC (од 355 коњски сили до 443 коњски сили, 0 – 100 километри на час од 5,8 до 4,9 секунди).
Веста доаѓа неколку месеци откако BMW наиде на бурни реакции поради понудата на опции за претплата, како што се греење на седиштата.
Дали клиентите навистина ќе платат дополнително само за да скратат секунда од времето од 0-100 км/ч?