Германската канцеларка Ангела Меркел денес ги отфрли навестувањата дека може да побара петти мандат на чело на владата или да се премисли за ветувањето за напуштање на политиката кога ќе истече мандатот на нејзината сегашна влада.
Анкетите покажуваат дека поддршката за нејзиниот централно-десен блок расте од почетокот на пандемијата на коронавирусот, по, како што беше проценето, добриот одговор на таа здравствена криза.
Германија ги избегна високите стапки на смртност забележани на други места во Европа, а истовремено избегна и остри мерки за изолација што се применуваат во многу други земји.
На прашањето дали размислува повторно да се кандидира, таа одговори „Не, не, навистина не“. На прашањето дали ќе се придржува до својата одлука, таа одговори: „Многу цврсто“.