Актуелно
Почетна / TOP NEWS / Меркел со предупредување до Германците

Меркел со предупредување до Германците

Германската канцеларка Ангела Меркел ги повика Германците денес да не го загрозуваат тоа што го постигнале досега во однос на забавување на заразата со коронавирус со нивно брзање и желба да се „вратат во нормала“ што е можно поскоро.

„Короната останува опасност за секој од нас“, рече германскиот канцелар, говорејќи пред долниот дом на германскиот парламент во Бундестагот.

Германците ќе живеат со коронавирусот уште некое време, бидејќи сè уште нема ефикасен лек или вакцина, истакна Меркел.

„Би било обесхрабрувачко ако треба да се вратиме на ограничувањата што сакаме да ги оставиме зад себе, затоа што сакаме премногу и премногу брзо“, рече канцеларката.

Таа им порача на Германците да се вратат во канцелариите, училиштата, кафулињата и спортските клубови со одржување на физичка оддалеченост и спроведување на хигиенски мерки. Тогаш ќе биде можно да се опорави економијата и да се заштедат работни места, а луѓето ќе бидат заштитени, додаде таа.

Голем чекор на таа патека е повторното отворање на границите во Европа, што ќе им помогне на патниците, семејствата и туризмот, рече таа.

„Целта е, ако дозволат околностите поврзани со инфекцијата, целосно да се укинат граничните контроли во областа Шенген од 15 јуни“, рече Меркел, пренесува Хина.

Претходно истиот ден, министерот за внатрешни работи Хорст Зехофер најави постепено отворање на германските граници од сабота.

Многумина внимателно гледаат каква е најголемата европска економија, која е во карантин од средината на март и успеа да донесе пониска стапка на смртност од другите земји, и покрај големиот број заразени.

Продавниците, училиштата и фабриките започнаа со работа, а некои од границите ќе бидат отворени оваа недела. Мерката физичко растојание од 1,5 метри на јавен простор и носење маски за лице во јавниот превоз и повеќето продавници остануваат на сила.

Германија има 171.306 потврдени случаи на заразени со коронавирус, соопшти Институтот Роберт Кох, а починати се 7.634 лица.

loading...