Новиот тренер на ПСЖ, Кристоф Галтие им забрани на најголемите ѕвезди на тимот, Лионел Меси, Нејмар и Килијан Мбапе, како и на другите фудбалери да користат мобилни телефони за време на клупскиот појадок и ручек, објави португалски „Рекорд“.
Галтије исто така наредил споменатата тројка да вечера со остатокот од тимот во тренинг кампот, освен во посебни прилики.
Мерките на новиот тренер на „светците“ значат и дека пристигнувањето на тренинг е меѓу 8:30 и 8:45 часот, а секој фудбалер кој доцни може слободно да се врати дома.
Фудбалерите на ПСЖ го совладаа Кавасаки Фронтале во пријателскиот натпревар во Токио со 2:1, а стрелци беа Меси и Калимуендо.
Фудбалерите на францускиот шампион го искористија престојот во Јапонија за да се испробаат во џудо. Домаќин им беше Французинот Теди Ринер, повеќекратен олимписки и светски шампион во џудо.