Меси одби да се ракува со Покетино поради измената (ВИДЕО)

од Nikola Popovski

Фудбалерите на ПСЖ го победија Лион на домашен терен во шестото коло од францускиот шампионат по драматичната завршница со резултат 2:1.

По првото полувреме без голови, Лион го шокираше домаќинот кога Пакета постигна гол во 54. минута за предност на својот тим.

Сепак, само 12 минути подоцна, Нејмар донесе израмнување и навести возбудлив крај.

Маурисио Покетино одлучи да го извади од игра Лео Меси во 76. минута, кој повторно одигра лош натпревар, и го испрати Ашраф Хакими на теренот.

На Аргентинецот не му се допадна тој потег, па помина покрај Покетино видно незадоволен и не сакаше да му подаде рака.

До крајот на натпреварот, домаќинот успеа да избегне нов неуспех, по ремито во Лигата на шампионите, и да го задржи максималниот учинок во домашното првенство, преку голот на Икарди.

Фото: PROFIMEDIA

Слични содржини