Меси стана играч на Барселона со најмногу настапи во шпанскиот шампионат

од Stefanija Kuzmanovska

Фудбалерите на Барселона во неделата ја прекинаа серијата од седум победи во шпанската Ла Лига, откако ремизираа со Кадиз во натпреварот од 24. коло. Голот вреден бод за конечни 1:1 од пенал во 89 минута го реализираше Фернандез за гостинскиот тим, со што ја анулираше предноста на Барса, по реализираниот пенал на Лионел Меси од 32-та мунута.

На мечот во кој тој стана играч на Барселона со најмногу настапи во шпанскиот шампионат, оставајќи го Чави Ернандез со 505 настапи зад себе, Меси ја продолжи серијата голгетери и стигна до својот 16-ти гол во 21-от лигашки натпревар оваа сезона.

Тој постигна девет од нив на неговите последни шест натпревари, што е серија погодоци во последователни игри нво каква не беше веќе две години, односно од сезоната 2018/2019 во која постигна 36 голови во лигата и вкупно 51.

Во актуелната серија, тој беше двапати прецизен во пробите против Атлетико, Гранада и Алавес, по еднаш ја затресе мрежата на новиот натпревар против тимот од Билбао, а потоа и на Бетис пред да го постигне својот прв гол за Кадиз.

Слични содржини