Microsoft пушти Office 2019 preview верзија

од Vladimir Zorba

Microsoft ја објави првата preview верзија на Office 2019. Софтверот е достапен за бизнис клиенти на компанијата од Редмонд.

Пакетот ги содржи класичните апликации Word, Excel, PowerPoint, Outlook, Publisher, Access, Project, Visio и OneNote, како и серверски верзии на Exchange, SharePoint и Skype for Business.

Office 2019 е ​​насочен кон компаниите кои не користат Office 365.

За сега, пакетот е достапен само за Windows. MacOS верзијата е планирана, но ќе биде објавена во подоцнежна фаза.

Меѓу новите функционалности се напредни можности за анализа на информации во Excel, нови формули, графики и Power BI интеграција.

PowerPoint пак нуди нови функции за презентирање како морфинг и зумирање, кои беа дел од Office 365 ProPlus.

Сите апликации значително ја подобрија поддршката за електронски пенкала.

Слични содржини