Веројатно сè уште никој не знае каде ќе игра Лионел Меси следната сезона, и ако постоеше надеж дека барем самиот Аргентинец решил, тоа веќе не е толку сигурно.
Нов тренер на Пари Сен Жермен е Маурисио Почетино, аргентински стручњак кој работеше како тренер на Тотенхем до 19 ноември 2019 година.
Претходно тој го водеше Саутемптон, а во Англија пристигна по напуштањето на Еспањол.
Тогаш Почетино беше во можност да се сретне со Меси, но трансферот на еден од најдобрите фудбалери на сите времиња во „сино-белиот“ дел на Каталонија не се случи во 2005 година.
„Тој пристигна во Барселона на 13-годишна возраст од Аргентина. Слушнав дека тој бил близу до Еспањол и тогаш, но и во годината кога Барселона играше против Јувентус во Купот „Жоан Гампер“. Веднаш по натпреварот, Фабио Капело го пофали, па Барселона реши да го задржи“, изјави Почетино пред две години.
Иако тој во тоа време истакна дека „можеби подоцна ќе биде негов тренер во Еспањол“, тоа не се случи во овој тим, но може да се случи во ПСЖ.
Меси наводно е главна цел на парижаните и прва желба што Почетино му ја претставил на управата на клубот.
Повеќе ќе се знае во наредните недели, но веќе е јасно дека Аргентинецот ќе биде најбараниот фудбалер во Европа, како и дека не чека вистинска војна меѓу „светците“ и Манчестер Сити, имајќи предвид дека Пеп Гвардиола повеќе пати истакна дека тој би сакал да работи повторно со својот поранешен фудбалер, од времето кога ја водеше Барселона.
Меси летово беше близу да ја напушти Каталонија, но управата на Примера донесе одлука дека поместувањето на датумот во шампионатот не значи преместување на датумот по кој Меси може да го напушти клубот, по што Аргентинецот неволно остана. Иако имаше најави дека во овој момент тој е сè уште поблизу до одлуката за продолжување на договорот, повик од неговиот сонародник од клупата на ПСЖ може да промени сè.