Обезличување на Армијата според координаторот на пратеничката група на ВМРО-ДПМНЕ, Никола Мицевски е Законот за одбрана, во кој на името на Армијата се додава придавката „Северна“ согласно договорот од Преспа.
Тој не одговори конкретно на ставот на владејачкото мнозинство, дека ќе гласаат Република Северна Македонија да влезе во НАТО, а не гласаат за Законот за одрбана.
„Не можеме да прифатиме обезличување и промена на името на Армијата. Ние поднесовме идентичен Закон со една разлика, да не се промени името на Армијата. Сосема идентичен Закон беше донесен од страна на ВМРО-ДПМНЕ, со една измена, за Армијата. Ние не гласавме за Преспанскиот договор, ниту за промена на името. Ако сакаа да се донесе Законот за одбрана навистина, ќе го прифатеа нашиот предлог да не се промени името на Армијата. Така ќе можеа нешто добро да направат за државата“, рече Мицевски.
Координаторот на пратеничката група на опозициската ВМРО-ДПМНЕ обвини дека власта била хибриден режим, но и дека имало непотизам и корупција.
А.Т.