Донесовме одлука секој граѓанин на референдумот да постапи според сопственото убедување, соопшти лидерот на ВМРО-ДПМНЕ Христијан Мицковски синоќа на полноќната прес-конференција по неколкучасовните состаноци на Извршниот и Централниот комитет на опозициската партија.
Одлуката, рече, е донесена по консултациите со граѓаните и различните мислења кои постојат меѓу народот – за апстиненција или да се гласа против, но и оние, како што рече, помалку на број, кои сметаат дека треба да се поддржи.
– Секоја индивидуа со сопствениот морал и совест ќе донесе одлука која смета дека е најдобра, пред се, за своето семејство, и за нашата мила Македонија. Македонија ни е се. Нема партиите да одлучуваат. За национално прашање ќе одлучи нацијата и на нејзината одлука сите ние ќе се поклониме, посочи Мицкоски.
Мицкоски жестоко ги криткуваше политиките на Вчадата на Заев, го негираше договорот со Грција, реагираше и на, како што рече, жестоката и предвремена кампања за референдумот, а премиерот Зоран Заев го повика на нов ТВ-дуел.
Рече дека четири месеци немале јавно соочување и дека на граѓаните треба да им се разјасни немањето резултати во досегашното владеење.
Тој сепак иако побара дуел и да му поставува прашања на премиерот Заев , не сакаше да одговра на прашањата на новинарите и да се соочи со медиумите кои до полноќ чекаа на прес конференцијата.
Мицковски се сокри и не го кажа ниту личниот негов став, став како лидер, дали тој ќе излезе на референдум на 30 ти, дали имало единство во партијата, како е донесена одлуката…