214
Централниот Комитет на ВМРО-ДПМНЕ на денешното заседавање на партијата го избрало Ѓорѓија Сајкоски за нов генерален секретар.
„Централниот Комитет на ВМРО-ДПМНЕ го изгласа Ѓорѓија Сајкоски за нов генерален секретар на партијата. Сајко нека е со успех позицијата, нѐ чека многу работа и заеднички битки. Се до конечна победа над мафијата“, напиша лидерот на ВМРО-ДПМНЕ, Христијан Мицкоски.
Ѓорѓија Сајкоски е роден во Кичево и е доктор на историски науки. Тој е долгогодишен член на ВМРО-ДПМНЕ, пратеник во сегашниот состав на Собранието.
Инаку во минатото Сајкоски има извршувано повеќе функции и тоа претседател на Совет на Општина Кичево 2009-2013, заменик министер во министерство за локална самоуправа, директор на ЈП Студенчица.