Мицкоски во Паленица: Потребно ни е обединување за одбрана на државните интереси

од Vladimir Zorba

ВМРО-ДПМНЕ ќе ги искористи сите алатки кои што му стојат на располагање да се бори против оваа ненародна власт и оваа зло кое што надвиснало над нашата татковина, а кое што го предводи Зоран Заев и Социјалдемократскиот сојуз.

Но, за тоа ни е потребно обединување. Секогаш во историјата кога ВМРО-ДПМНЕ застанало цврсто во одбрана на државните и националните интереси, потребно било обединување под бајракот на слободата. Така ни е потребно и овој пат, вели Христијан Мицкоски во соопштение.

Нас што ни е потребно обединување, подавање рака од човек на човек, добронамерник на добронамерник, патриот на патриот, брат на брат, сестра на сестра. Тоа ни е сега неопходно. Само сплотени, заедно, под бајракот на слободата, можеме да си ја браниме татковината. И нема да им успее да не разделат и покрај сите оние кинески ѕидови кои што ги градат помеѓу нас.

Ова зло кое што му се случува на Република Македонија има име и презиме. Се вика Зоран Заев. Човек без визија, без политичка култура и човек без платформа. Единствен проект кој што го има е како да ја подвитка кичмата на сопствениот народ и на сопствената татковина. Нема тоа да му го дозволиме.

Секаде каде што одам низ нашата татковина, се среќавам со луѓе. Пред очите можам да им забележам очај, разочараност, од очите можам да им забележам резигнираност. И тие не треба да знаат колку овие ја задолжуваат нашата татковина. И не треба да знаат колку помалку странски инвестиции имало оваа година и мината година. Или колку помалку имаме луѓе кои што вложуваат во нови работни места. Но знаат едно, дека наутро кога почнува битката како да го поминат денот, како да ги прехранат своите семејства, новчаникот им е празен. И тоа ги боли. И мене ме боли и мора да направиме да ни биде подобро.

Нема реформи во здравството. Луѓе ги губат своите животи на дневна основа. Луѓе ги губат своите животи затоа што имаме некадарен министер и затоа што имаме некадарен премиер, да спроведе реформи во тоа исто здравство и да го направи поконкурентно за да може луѓето тоа што го плаќаат, тоа и да го добијат, а не да добиваат смрт наместо здравје и живот. Тоа ветуваме.

Ќе дојде денот кога ќе одговараат.

Ќе зборувам и како професор. Секој час кога ќе ги погледнам очите на моите студенти гледам една желба, колку побрзо да дипломираат и да ја напуштат оваа прекрасна држава нашата татковина Република Македонија. Ме боли и не знам што да им кажам. Ако зборувам од срце срцето плаче. Се обидувам да бидам разумен и да им кажам стрпете се останете овдека, каменот тежи само дома. Дајте ни шанса, ќе дојдеме ќе ја вратиме вербата во вас, немојте да се обесхрабрувате. Имаме план имаме, имаме проекти, знаеме како, Македонија е моја и ваша и на сите вас овдека и мора да се бориме за истото.

Среќавам многу луѓе кои што се под притисок, под закана, дека ќе ги загубат работните места ако се поздрават со мене, ако дојдат да испијат едно кафе со мене. Ви велам доста е. Доста е браќа и сестри, само вие можете да го победите стравот. Јас сум тука да ви помогнам. Мојата цел е јасна, мојата цел нема алтернатива.

Ветуваа многу, а сега гледаме дека лажеа. Колку ли само е тешко да го гледаш човека во очи и да го лажеш. Како не им е срам? Нема 500 евра плата просек, нема поголеми плати за вработените во здравството нема 600 километри автопат, нема зголемени пензии, нема поконкурентно образование, нема реформирано судство, а помина една година. А така храбро викаа во кампањата знаеме во каква ситуација е Македонија имаме решение живот ќе донесеме. Донесоа чемер и јад, ништо друго.

Мораме работата да ја земеме во свои раце, немаме друга алтернатива, деновите и минутите одбројуваат, до нас е. Мора да се охрабриме и да се осмелиме. Да му застанеме на патот на целото ова омаловажување и понижување, да им застанеме на патот на сите овие навреди, да застанеме на патот на сите овие негативности кои што ни се случуваат во нашата татковина. Мораме да понудиме алтернатива, мораме да понудиме како тоа го прави ВМРО-ДПМНЕ во моментот и дел од тие проекти кои што планираме да ги имплементираме, првиот ден откако ќе ја формираме новата влада. Тие ќе бидат презентирани на големиот народен собир кој што ќе се одржи на 2 јуни пред владата на Република Македонија. Ја користам оваа прилика сите да поканам.

Изминатиот период многу луѓе ме среќаваа и ми велеа тивки сте ве нема, се сомневаа, имаше многу сомнежи. Но на сите им дадов еден одговор. Лесно е да влезеш во битка во која што крајот е неизвесен и лесно е да војуваш со туѓи синови. Јас сакам да ве поведам во битка во која што сите заедно ќе победиме, и таа битка нема да биде лесна и нема да биде кратка. Дојде денот кога таа битка ќе почне и ќе трае летово и ќе трае есенва, се до предвремените парламентарни избори.

Христијан Мицкоски, претседател на ВМРО-ДПМНЕ 

Слични содржини